"Истиқлол" стадиони сухандони провокацион эълонлар берди, "Динамо" стадиони техник ҳудудига бегона шахслар кирди, Владимир Бубанья микст-зона масаласида комиссарга эътироз билдирди — Лига комиссарлари билдиргиси
22 aug 14:30
News
"Истиқлол" стадиони сухандони провокацион эълонлар берди, "Динамо" стадиони техник ҳудудига бегона шахслар кирди, Владимир Бубанья микст-зона масаласида комиссарга эътироз билдирди — Лига комиссарлари билдиргиси
18-тур. "Нефтчи" – "Насаф"
"Нефтчи" жамоаси матбуот котиби огоҳлантиришларга қарамай, Лига томонидан рўйхатдан ўтказилмаган бегона шахсларга фотомухбирлар учун мўлжалланган нимчаларни берган. Бундан ташқари, учрашув давомида майдон атрофида бегона шахслар ҳаракатлангани маълум бўлди. Бу орқали мезбон клуб Суперлига ва Про лига регламентининг 18.5 бандини бузди.
Бундан ташқари, "Истиқлол" стадиони сухандони ўйин давомида ўзи учун белгилаб берилган матндан ташқарига чиқиб, мухлислар томон турли провокацион эълонлар берди. Сухандон ушбу ҳаракатлари орқали Суперлига ва Про лига регламентининг 15.15 бандини бир неча марта бузди.
"Нефтчи" клубининг иши Тартиб-интизом қўмитасига оширилди.
18-тур. "Динамо" – "Пахтакор"
"Динамо" стадиони техник ҳудуди ёнига ўйинга умуман алоқаси йўқ, тегишли аккредитацияга эга бўлмаган бир неча шахслар ўтириб олди. Уларга берилган огоҳлантиришлар самара бермади. Ушбу шахслар ўзини хавфсизлик учун маъсул ходим деб таништирган бўлса ҳам учрашув давомида бирор бир функция бажармади. Бу орқали Суперлига ва Про лига регламентининг 15.5 бандида кўрсатилган талаблар бажарилмади.
"Динамо" клубининг иши Тартиб-интизом қўмитасига оширилди.
19-тур. "Хоразм" – "Қизилқум"
"Хоразм" клуби футболчилари учрашувдан сўнг махсус ташкил қилинган микст-зона орқали эмас, бошқа йўл билан стадионни тарк этмоқчи бўлган. Клуб вакиллари ёрдамида футболчилар ортга қайтарилиб, уларнинг микст-зонадан ўтишлари таъминланди. "Хоразм" клуби футболчиси Владимир Бубанья вазият бўйича учрашув комиссарига эътироз билдирди. Бу талаб регламент орқали белгилаб қўйилгани тушунтирилса ҳам футболчи ҳеч қайси мусобақада микст-зонадан ўтиш мажбурий эмаслигини айтиб, Лига расмийларига нисбатан қўпол муносабатда бўлган.
Владимир Бубанья Суперлига ва Про лига регламентининг 18.7 банди ижросини таъминлаётган Лига расмийларининг ишига аралашиш орқали ушбу регламентнинг 15.2 ва 15.3 бандларига амал қилмади.
Владимир Бубаньянинг иши Тартиб-интизом қўмитасига оширилди.
Similar news
championat.asia
Элит ОЧЛ. "Насаф" ўз майдонидаги жанговар ўйинда "Ал Ҳилол"га ютқазди
ЛаЛига. "Атлетико" дербида "Реал" дарвозасига 5та гол уриб, йирик ғалаба қайд этди
Ла Лига. "Барселона" "Реал Сосьедад"га қарши ўйинда камбэк қайд этди, Ямал тушганидан бир дақиқа ўтиб ғалаба голига ассистентлик қилди
Суперлига. Сергеевнинг ягона голи "Пахтакор"га "Сурхон" устидан қийин ғалабани келтирди
Comments
Сухандон сузларидан кейин юкорида таькидланган бирор иш булдими? Булмади. Демак,бу сузлар провокация эмас.
Лига комисалари, мана силарга исбот!!!
Шундай деса провокация килган булади. Провокация нима дегани узи? Википедияга киришгин,укиб олишгин.
Ёзсин,мана шунака деди, бу мана бу коидага биноан провокация хисобланади,деб айтсин,исботласин,нега шу гапи провокация хисобланади? Курсатсин,мана бу ерда шу гапни гапирса провокация хисобланади,деб ёзилган десин. Умумий гапларни гапирмасдан. Исбот керак!!!