Ҳамиджон Актамов: "Дунёнинг энг кучли жамоасига қарши ҳам ғалаба учун тушамиз"
29 oct 2016 19:38
News

Ҳамиджон Актамов: "Дунёнинг энг кучли жамоасига қарши ҳам ғалаба учун тушамиз"

"Навбаҳор" - "Қизилқум" (0:2) учрашувидан сўнг меҳмонлар бош менежери Ҳамиджон Актамов ўз фикрларини билдирди.

"8 йилдан буён "Қизилқум" Наманганда ютмаган экан. Бугун ушбу нохуш анъанага чек қўйдик. Биринчи ва иккинчи тайм ўртасида ер билан осмонча фарқ бўлди.

"Навбаҳор"га кейинги 3та турда очко олиб олий лигада қолишини тилайман.

"Лочинлар"нинг кучсиз томони? Тўғриси рақиб жамоа ҳақида фикр билдира олмайман. Бошқа жамоани камситиш ёки уларнинг камчиликларини айтмоқчи эмасман.

Алишер Юсупов жароҳат олгани учун алмаштиришга мажбур бўлдим. Бу йилги чемпионат қизиқарли кечгани рост. Сабаби охирги турга қадар чемпион номи маълум бўлмайди. Кейинги ўринлар эгалари ҳам маълум эмас.

Мени жамоам ҳар доим ғалаба учун майдонга тушади. Дунёдаги энг кучли жамоа келса ҳам улардан қўрқмайман, омадимиз келса ютамиз, бўлмаса пешонадан", - дейди Актамов.

Link :

Source : championat.asia

Receive latest football news directly on your phone. Subscribe for our Telegram channel!

Rating: +4