Ҳамиджон Актамов: “Бундай мухлислар қаршисида “Барселона” билан ўйнасак ҳам ҳужумкор ўйин намойиш қилсанг арзийди”
15 apr 2016 22:02
News
![](https://championat.asia/upload/storage/204963_original.jpg)
![](/upload/storage/204963_220.jpg)
Ҳамиджон Актамов: “Бундай мухлислар қаршисида “Барселона” билан ўйнасак ҳам ҳужумкор ўйин намойиш қилсанг арзийди”
— Бугун фақат ғалаба учун майдонга тушгандик, — дея сўз бошлади Ҳамиджон Ғуломович. — “Пахтакор” — мамлакатимизнинг амалдаги чемпиони, бежизга Осиё чемпионлар лигасида қатнашмаяпти. Шунга қарамай, бугун рақибга очиқ футбол таклиф этдик. Жуда кўплаб голли вазиятлар содир этилган бўлса-да, йигитларимиз имкониятлардан фойдалана олишмади. Охирги дақиқаларга қадар жонини бериб ўйнаган йигитларимизга катта раҳмат!
Аввал ҳам айтгандим, биз мухлисларни ўзимизнинг ғалабаларимиз билан хурсанд қилишни мақсад қилганмиз. Шу учун дастлабки дақиқаларданоқ икки ҳужумчини майдонга туширдик. “Пахтакор” кучли рақиб, аммо ҳимояга ётиб олиб уларга қарши ўйинда ижобий натижага эришиб бўлмайди. Бугун йигирма мингга яқин томошабин ўйинни стадионнинг ўзидан кузатди. Бундай мухлислар қаршисида “Барселона” билан ўйнасак ҳам ҳужумкор ўйин намойиш қилсанг арзийди. Фурсатдан фойдаланиб, бизни қўллаб-қувватлаётган ишқибозларимизга раҳмат айтаман.
Кейинги ўйин Қўқонда бўлади. Мақсадимиз ўзгармайди. Эртадан навбатдаги учрашувга тайёргарликни бошлаймиз. “Қўқон-1912” жамоаси билан “Ҳоким кубоги”да куч синашганмиз. Тажрибали мутахассис ва маҳоратли футболчиларга эга жамоа саналади. Шунга қарамай, водийга ўз мухлисларимизни хурсанд қилиш учун борамиз, албатта, - дейди Актамов.
“Қизилқум” ПФК Матбуот хизмати.
Similar news
![AMP Logo](https://championat.asia/image/logo-amp.png)
Comments