Англия Премьер-лигаси бошланишига 11 кун қолди!

Шу муносабат билан бугун чемпионатнинг ўтмишдаги энг кучли футболчиларидан бири Райан Гиггз ҳақида қисқача маълумот бериб ўтамиз.

Райан Гиггз

Тўлиқ исм-шариф: Райан Жозеф Гиггз.

Туғилган кун ва жой: 1973, 29 ноябрь, Уэльс, Британия.

"Манчестер Юнайтед"нинг афсонавий футболчиси Райан Гиггз ушбу клуб учун 963та ўйин ўтказган. Британия тарихидаги энг совриндор футболчи ҳисобланади. 13 маротаба Англия чемпионлигини қўлга киритган. У Англия чемпионатида кетма-кет 21 та мавсумда гол киритган ягона футболчи. 11 маротаба кетма-кет Европа Чемпионлар Лигаси турнирида иштирок этган.

У шунингдек, фаолияти якунида МЮда ўйновчи мураббий сифатида ҳам фаолият олиб борган.

Терма жамоа

Гиггз Уэльс терма жамоаси сафида майдонга тушган энг ёш футболчи ҳисобланади. Бироқ, қаҳрамонимизга ҳеч қачон жаҳон чемпионатида иштирок этиш насиб қилмаган.