Андрей Микляев: "Бикмаев жамоамизнинг ҳақиқий етакчисига айланди"
29 apr 2017 23:22
News

Андрей Микляев: "Бикмаев жамоамизнинг ҳақиқий етакчисига айланди"

"Локомотив" - "Обод" (7:0) учрашувидан кейинги матбуот анжуманида “Локо” устози Андрей Микляев қуйидагича фикр билдириб ўтди:

"Таркибда ўзгаришларни амалга оширдик. Сўнгги ойда жуда кўплаб ўйинлар ўтказдик. Бу жамоа ўтган мавсумда бу ерда биз билан дурангга эришиб қайтганди шу боис хавф кутгандик. Бундан ташқари "Обод" бу мавсум жуда кам гол ўтказаётганди. Ўйин ёқди, йигитларга раҳмат айтаман. Ўйин раҳбариятга ҳам, мураббийларга ҳам, футболчиларга ҳам ёқди.

- Нима учун "Локо" ОЧЛда шундай ўйнамайди?
- Сабаби рақиблар имкон беришмайди. Ҳар бир жамоа рақиби имконият берганичалик ўйнайди. "Обод" имконият берди ва ғалаба қозондик.

- "Обод" дастлабки 20 дақиқада ташаббусга эга бўлди.
- Таркибда ёш футболчилар жуда кўп, уларда иштиёқ кучли. Аммо бутун ўйинга кучлари етмаяпти.

- Бу мавсум ким жамоа етакчиси деб ўйлайсиз? Бикмаевми ёки Машариповми?
- Ўтган йил Абдухолиқов борлигида Бикмаев кам майдонга тушарди. Бу йил эса у жамоанинг ҳақиқий етакчисига айланди.

- Нима учун Кризо майдонга тушмаяпти...
- Сабаби у бизни қониқтирмаяпти. У машғулотларда кам ишлаяпти. Агар Бобожонов ундан икки баравар кўпроқ югурса нима учун Кризони туширишимиз керак? Унга машғулотларда янада кўпроқ ишлашини айтаяпмиз.

Link :

Source : championat.asia

Receive latest football news directly on your phone. Subscribe for our Telegram channel!

Rating: