Андрей Фёдоров: "Локомотив" дурангга лойиқ ўйин намойиш этди"
16 mar 2019 21:01
News

Андрей Фёдоров: "Локомотив" дурангга лойиқ ўйин намойиш этди"

"Пахтакор" - "Локомотив" (3:1) учрашувидан кейин Андрей Фёдоров матбуот анжуманида қатнашди.

"Пахтакор"ни ғалаба билан табриклайман. Бутун ўйинни олсак биз 1:3 ҳисобидаги мағлубиятга лойиқ эмас эдик. Дурангга лойиқ ўйин кўрсатдик. Голлар жамоавий хатолар натижасида келиб чиқди. Иккинчи тайм бошида рақиб тезкор иккита гол урди. Кейин "Пахтакор" натижадан келиб чиқиб ўйнади. Ҳаёт давом этади, хатоларни камайтиришга уринамиз.

"Пахтакор"да 3та голдан ташқари бошқа вазият бўлганини эслай олмайман. Иккита ўйинда 5та гол ўтказилди. Бу биз учун жуда кўп. Бунинг устида ишлаймиз.

Ҳеч нима қилмаган одам хато қилмайди. Менда ҳам хато бор. Учта гол ўтказдикми демак хатолар бор", - дейди Андрей Фёдоров.