Ана холос. "Локомотив" футзалчилари иш ташлаш эълон қилишди
07 jun 2018 15:20
News

Ана холос. "Локомотив" футзалчилари иш ташлаш эълон қилишди

Бугун футзал бўйича Ўзбекистон чемпионатининг 11-туридан ўрин олган баҳслар бўлиб ўтмоқда.

Ушбу тур доирасида "Пахтакор" ва "Локомотив" ўртасидаги Тошкент дербиси бўлиб ўтиши лозим эди. "Локомотив" футзал жамоаси "Ёшлик" залига ташриф буюрди, бироқ 3 ойдан буён маош олишмаётгани учун учрашувда иштирок этишдан бош тортишди ва иш ташлаш эълон қилишди.

Мазкур ўйинда "Локомотив"га техник мағлубият ёзилди. Маълумот учун, "Локомотив" бу мавсум 20та учрашув ўтказиб 7та ғалаба, 4та дуранг ва 9та мағлубият қайд этган. 25 очко жамғарган жамоа мусобақа жадвалида 12та клуб орасида 8-ўринда бормоқда.