Аббосбек Файзуллаев — Осиёда йилнинг энг яхши ёш футболчиси!
29 oct 2024 17:23
News

Аббосбек Файзуллаев — Осиёда йилнинг энг яхши ёш футболчиси!

Айни дамда Сеул шаҳрида ОФК йилнинг энг яхшиларини аниқлаш маросимини ўтказмоқда.

Ўзбекистонлик футбол ишқибозлари учун қувонарлиси, терма жамоамиз аъзоси Аббосбек Файзуллаев қитъанинг энг яхши ёш футболчиси деб тан олинди!

Маълумот учун, ушбу соврин учун Аббосбек Файзуллаевдан ташқари Гаку Накавата (Япония) ва Бае Жун Хо (Жанубий Корея, "Сток Сити") номзодлар қаторида кўрсатилганди.

Эслатиб ўтамиз, Файзуллаев ушбу мавсум Қатарда бўлиб ўтган U-23 Осиё Кубоги ва Олимпиадада иштирок этди. Бундан ташқари вингер Ўзбекистон терма жамоаси сафида ҳамда Москванинг ЦСКА жамоаси таркибида мухлисларни ўйинлари билан хушнуд этди.

Ўз навбатида биз "Championat.asia" таҳририяти ва ўқувчилари номидан Аббосбекни табриклаб, кейинги фаолиятида ютуқлар тилаб қоламиз!