Зидан "Реал"дан кетди. У қайси ҳамкасблари олдида "шляпасини ечади"?

Клуб афсонаси "қаймоқранглилар"ни мураббий сифатида 263 ўйинга бошлаб тушди ва 11 та кубок олиб берди. Статистика: 174 ғалаба, 53 дуранг, 36 мағлубият (тўплар нисбати — 605:267). 

Зидан "Реал" бошқарувига 1-марта келганида имконсиздек туюлган ишларни амалга оширгани ёдингизда. Франциялик мутахассис "Реал" билан қаторасига 3 бор ЕЧЛда зафар қучиши мумкин, аммо баъзи ҳамкасбларини енгиш унга ҳозирча армон бўлиб қоляпти. Зиданнинг муваффақиятлари ҳақида кўп гапирилган. Биз бугун у "ошиб ўтолмаган довонлар" ҳақида маълумот беришга қарор қилдик.

Расман: "Реал" Зиданнинг истеъфосини эълон қилди

Томас Тухель

Германиялик мураббий Зиданнинг қаршисига "Боруссия", ПСЖ ва "Челси" билан 6 бор чиққан, бирор марта ютқазмаган. Статистика: 6 ўйин — 2 ғалаба, 4 дуранг (тўплар нисбати — 19:15). 

Ушбу мураббийлар орасидаги сўнгги тўқнашув ЕЧЛнинг жорий мавсум ярим финалида содир бўлган.

Челси (Англия) – Реал Мадрид (Испания) 2:0 

6 май, 00.00, "Стэмфорд Бридж"

Голлар:

1:0 – 28 Вернер, 2:0 – 85 Маунт.

Челси – Менди, Аспиликуэта (Жеймс, 88), Тиаго Силва, Рюдигер, Чилуэлл, Маунт (Зиеш, 88), Жоржиньо, Хавертц (Жиру, 90), Канте, Кристенсен, Вернер (Пулишич, 67).

Реал Мадрид – Куртуа, Рамос, Милитао, Начо, Менди (Вальверде, 63), Кроос, Модрич, Винисиус Жуниор (Асенсио, 63), Каземиро (Родриго, 76), Азар (Мариано Диас, 89), Бензема.

Огоҳлантиришлар:

Жоржиньо (14), Рамос (37), Кристенсен (39), Начо (62), Кроос (72), Маунт (87), Вальверде (90).

Хосе Анхель Сиганда

Мазкур мураббий 2017-2018 йилги мавсумда Бильбаонинг "Атлетик"ини бошқарган эди. Ўшанда Сиганданинг шогирдлари "Реал"га қарши ўтказилган ҳар икки ўйинда дурангга эришган. Статистика: 2 ўйин — 2 дуранг.

Маурисио Почеттино

Аргентиналик мураббий "Тоттенхэм" устози сифатида Зиданнинг "Реал"и билан 2 марта тўқнашган. Ҳар икки ўйин ЕЧЛнинг 2017-18 йилги мавсум гуруҳ босқичида рўй берган. Ўшанда Мадриддаги ўйин дуранг (1:1) билан якунланаган бўлса, Лондонда "шпорлар"нинг қўли балан келган эди (3:1).

Тоттенхэм (Англия) – Реал Мадрид (Испания) 3:1 

2 ноябрь, 00.45, "Уэмбли"

Голлар:

1:0 – 27 Алли, 2:0 – 56 Алли, 3:0 – 65 Эриксен, 3:1 – 80 Роналду.

Тоттенхэм – Льорис, Алдервейрелд (Сиссоко, 24), Санчес, Вертонген, Триппьер, Эриксен, Дайер, Уинкс (Дембеле, 66), Дэвис, Алли, Кейн (Льоренте, 79).

Реал Мадрид – Касилья, Хакими, Начо, Рамос, Марсело, Каземиро, Модрич (Тео, 81), Кроос, Иско (Асенсио, 74), Бензема, Роналду.

Огоҳлантиришлар:

Дембеле (89), Рамос (90).

Луиш Каштру

Португалиялик мутахассис Зидан билан ЕЧЛнинг жорий мавсумида 2 бор тўқнаш келди. Ўйинларнинг ҳар икковида Донецкнинг "Шахтёр" жамоаси ғалаба қозонди. Статистика: 2 ўйин — 2 ғалаба (тўплар нисбати — 5:2).

Пеп Гвардиола

Зидан мураббий сифатида катта саҳнага чиққанидан бери уни Пеп билан солиштиришади. Сўнгги 5 йилдаги натижалар ҳисобга олинса, Зинедин испаниялик ҳамкасбидан 1 эмас, 3 қадам олдинда. Аммо, ўзаро тўқнашувлар масаласида французнинг тили бироз қисиқроқ. Пеп "Сити" билан Зиданнинг "Реал"ига қарши 2 ўйин ўтказиб, 100 фоизлик натижа қайд этган. Статистика: 2 ўйин — 2 ғалаба (тўплар нисбати — 4:2).

P.s.: Материлни ёзишда франциялик мутахассисга қарши 2 ва ундан ортиқ ўйинларда тўқнашган мураббийларнинг натижаларигина ҳисобга олинди.