ЖЧда Германияга қарши ўйнаймиз!
10 фев 2015 10:22
Янгиликлар

ЖЧда Германияга қарши ўйнаймиз!

Ҳозиргина Янги Зелландияда бўлиб ўтадиган ёшлар ўртасидаги ЖЧга қуръа ташлаш маросими бўлиб ўтди.

Унга кўра Равшан Ҳайдаров шогирдлари, Фижи, Гондурас ва Германия терма жамоаларига қарши майдонга чиқадиган бўлдилар.

А гуруҳи: Янги Зеландия, Украина, АҚШ, Мьянма.
В гуруҳи: Аргентина, Панама, CAF-3, Австрия.
С гуруҳи: Қатар, Колумбия, Португалия, CAF-4.
D гуруҳи: Мексика, CAF-2, Уругвай, Сербия.
Е гуруҳи: CAF чемпиони, Бразилия, КХДР, Венгрия.
F гуруҳи: Германия, Фижи, ЎЗБЕКИСТОН, Гондурас.

Ўзбекистон ёшлар терма жамоаси 1 июнь куни мусобақани Гондурасга қарши ўйин билан бошлайди. 2-тур ўйинлари 4 июнь куни бўлиб ўтади, рақибимиз Германия! Сўнгги турда Фижи терма жамоасига қарши ўйнаймиз. Қуръа сеткасида учинчи бўлганлигимиз учун, дастлабки икки ўйинни Кра́йстчерч шаҳрида ўтказамиз. Сўнгги ўйин эса Фангареида бўлиб ўтади.

"F" гуруҳи ғолиби 1/16 финалда "E" гуруҳида иккинчи ўринни қўлга киритган жамоага қарши ўйнайди. Гуруҳимизда иккинчи ўринни қўлга киритган терма жамоа эса "B" гуруҳида иккинчи бўлган жамоага қарши. Энг яхши 4та учинчи ўрин эгаси ҳам навбатдаги босқичга чиқади. Бу ўринни эгаллаган терма жамоалар "C" ёки "D" гуруҳи ғолиблари билан ўйнайдилар.