ЖЧ-2014. Германия дуранг ўйнади ёхуд Клозе Роналдога етиб олди

Бугунги баҳсда кўпчилик Германия осонлик билан африка вакилини таслим қилишини тахмин қилганди. Бироқ амалда бундай бўлиб чиққани йўқ.

Баҳснинг биринчи бўлимида иккала томон ҳам деярли тенг ўйин кўрсатишди. Натижада ҳужумлар самарали якунлангани йўқ.



Иккинчи бўлим бошида Гётце жарима майдони ичида тўпни бош аралаш тизза билан дарвозага йўллади - 1:0.

Орадан уч дақиқа ўтгач Андре Айю рақиб ҳимоячиларидан баландроқ сакраб боши билан Нойерни доғда қолдирди - 1:1. Гана бу билан тўхтаб қолгани йўқ. Бироз вақт ўтгач Асамоа Гьян тезкор уюштирилган қарши ҳужумдан сўнг жамоасини олдинга олиб чиқди - 1:2!



Германия бош мураббийи Йоахим Лёв катта саҳнага чиқди ва бирданига Швайнштайгер ва Клозени майдонга тушурди. Бу эса кейинги дақиқада ўз мевасини берди. Мертесакернинг узатган тўпини Клозе дарвзага тўғрилаб қўйди - 2:2. Шундай қилиб Миро афсонавий Роналдога ЖЧ финал босқичларида урилган голлар борасида етиб олди. Иккала футболчи ҳисобида энди 15тадан гол мавжуд.

Чиройли, тезкор ҳужумлар остида кечган баҳсга дурангдан бошқа натижа мос келмасди.



ЖЧ-2014. “G” гуруҳи. 2-тур
ГЕРМАНИЯ – ГАНА  2:2
Форталеза. “Кастелан” стадиони
Бош ҳакам: Сандро Риччи (Бразилия)
Голлар: Гётце 52, Клозе 72 - А.Айю 55, Асамоа Гьян 63

Германия: 1.Нойер, 20.Боатенг (21.Мустафи, 46), 17.Мертесакер, 5.Хуммельс, 4.Хеведес, 16.Лам, 18.Кроос, 6.Хедира (7.Швайнштайгер, 70), 8.Озил, 19.Гётце (11.Клозе, 70), 13.Мюллер.

Гана: 16.Дауда, 3.Гьян, 7.Атсу (22.Вакасо, 74), 9.Кевин Принц Боатенг (Жордан Айю, 52), 10.Андре Айю, 11.Мунтари, 17.Рабиу (8.Баду, 78), 19.Менса, 20.Асамоа, 21.Бойе, 23.Аффул.
Огоҳлантириш: Мунтари 90

#	Жамоа	Ў	Ю	Д	М	УГ - ЎГ	Т-Н	О
1	Германия	2	1	1	0	6 - 2	4	4
2	АҚШ	1	1	0	0	2 - 1	1	3
3	Гана	2	0	1	1	3 - 4	-1	1
4	Португалия	1	0	0	1	0 - 4	-4	0

Нарзулла Сайдуллаев.