Зеедорфнинг мураббийликдаги омадсизлиги давом этади
17 июл 2019 00:40
Янгиликлар

Зеедорфнинг мураббийликдаги омадсизлиги давом этади

Мисрдаги қитъа биринчилигида қайд этилган қониқарсиз натижадан сўнг, Камерун футбол федерацияси мамлакат терма жамоаси бош мураббийи Кларенс Зеедорфни истеъфога чиқарди.

Шунингдек, Зеедорфнинг мураббийлар штабидан жой олган Патрик Клюйверт вазифасидан озод этилган.

Кларенс Зеедорф шогирдлари Африка Миллатлар Кубоги-2019нинг 1/8 финалидан ўрин олган Нигерияга қарши баҳсда имкониятни бой бериб (2:3) қўйишганди. Қайд этилишича, Зеедорф эндиги фаолиятини «Реал» академиясида давом эттиради.

Зеедорф бошқарувида камерунликлар 13 баҳсда майдонга тушиб, шуларнинг 4тасида ғалаба қозонди ва 5 бора дуранг ўйнади. Шунингдек, яна 4 учрашувда эса улар рақибларига имкониятни бой беришган.

Аввалроқ, 43 ёшли мутахассис «Милан», «Шэньчжэнь» (Хитой), «Депортиво» клубларида ҳам мураббий сифати кўп ишламаганди.

Ҳавола :

Манба : twitter.com/fecafootofficie

Янгиликларни Телеграмда ўқинг!

Рейтинг: +2