"Ювентус" ва "Интер"нинг собиқ ўйинчиси "Кальяри" сафига қўшилди
04 фев 2021 01:40
Янгиликлар
"Ювентус" ва "Интер"нинг собиқ ўйинчиси "Кальяри" сафига қўшилди
Трансфер ойнаси ёпилганидан кейин Италиянинг "Кальяри" жамоаси Квадво Асамоа билан шартнома имзолади.
"Football Italia" хабарига кўра, 32 ёшли ганалик ярим ҳимоячи бугун тиббий кўрикдан ўтиб, мавсум якунига қадар амал қиладиган битимга имзо чеккан.
Италияда трансфер ойнаси аллақачон ёпилган эди. Аммо, Асамоа эркин агент бўлгани боис "Кальяри" уни рўйхатдан ўтказиши мумкин.
Маълумот учун, Асамоанинг бутун фаолияти Италияда ўтган. У 2008-2012 йилларда "Удинезе", 2018 йилга қадар "Ювентус" шарафини ҳимоя қилди ва шундан кейин "Интер" таркибига қўшилди. Ганалик ўйинчи "нерадзуррилар" сафида 2020 йилнинг октябрига ўйнаган эди. Ўтган йилнинг кузида томонларнинг келишуви билан шартнома бекор қилинган ва Асамоа эркин агентга айланган эди.
Ўхшаш янгиликлар
championat.asia
Al Ain Cup. Остон Ўрунов порлаган оқшомда Ўзбекистон Мисрни мағлуб этди, финалда яна Эрон билан ўйнаймиз
Криштиану Роналду фаолиятида илк бор Португалия термаси сафида қизил карточка олди
Ўзбекистон Хорватия баҳсининг бошланиш вақти маълум
Ўзбекистон U-23 терма жамоаси мағлубиятга учради
Фикрлар