Ёш "машъалчилар" "Умид ниҳоллари-2015"га тайёрланмоқда

Шу мусобақанинг саралаш босқичида "Машъал" академиясининг ёш футболчилари ҳам иштирок этади. Спортнинг футбол тури бўйича Қашқадарё вилояти шарафини ҳимоя қилиш учун тўққиз нафар футболчимиз жалб этилган. Ушбу футболчилар вилоят терма жамоаси учун ўтказилаётган йиғинларда иштирок этмоқда. Биринчи йиғинни Қаршида бошлаган ушбу жамоага бош мураббий этиб Нурали Султонов тайинланган бўлса, "Машъал"  аёллар жамоасида  бош мураббийи бўлиб иш олиб бораётган Шерзод Андаев ёрдамчи мураббий бўлган.

Қаршида ташкил этилган биринчи йиғинда тўққиз нафар футболчимиз иштирок этди.

Булар: Бекзод Турсунов, Сиявуш Ёқубов, Шаҳбоз Ботиров, Дониёр Умаров, Муҳриддин Шамсиддинов, Зафар Акрамов, Достон Ҳайдаралиев, Жаҳонгир Мақсудов, Ёдгор Назаров.

Бу жамоа Қашқадарё вилоят ҳокими кубоги мусобақасида ҳам иштирок этди. Битта ғалаба ("Бинокор" 4:2), иккита дуранг ("Олимпия" 0:0, "Насаф" 2:2), битта мағлубият ("Шўртан" 0:1) қайд этиб "А" гуруҳида учинчи ўринни эгаллади. Ярим финалга эса фақатгина биринчи ва иккинчи ўрин соҳиблари йўл олди.

"Умид ниҳоллари-2015" жамоасининг навбатдаги йиғини февраль ойининг сўнггида Қаршида ташкил этилади.