Яна бошланди! Неймар ПСЖ машғулотида бош мураббий билан жанжаллашди
22 окт 2017 15:28
Янгиликлар

Яна бошланди! Неймар ПСЖ машғулотида бош мураббий билан жанжаллашди

ПСЖ ҳужумчиси Неймар 20 октябрь куни бўлиб ўтган машғулотда жамоа бош мураббийи Унаи Эмери билан жанжаллашиб қолди.

Маълумотларга кўра, мураббий "Андерлехт"га қарши Чемпионлар лигасининг 3-тур учрашувида майдонга тушган футболчилар учун машғулотни олдинроқ якунлади, бу эса бразилияликка ёқмади. Неймар майдонда қолишни истади, аммо Эмери рад жавобини берди. Футболчи кийиниш хонасига йўл олди, бироқ йўл-йўлакай ғазабда олдидаги тўпни тепди ва жаҳли чиқаётганини билдирди.

Маълум бўлишича, ПСЖ машғулотида иштирок этган НБАнинг беш карра чемпиони Коби Брайант ушбу воқеага гувоҳ бўлган.