“Хоразм” тайёрланмоқда

Воҳаликлар 10 январдан Хоразм спорт мажмуаси ўйингоҳида мураббий Ойбек Қурёзов бошчилигида шуғулланишяпти. Ҳозирча кунига бир маротаба ўтказилаётган машғулотларда ўтган йили жамоа сафида тўп сурган деярли барча маҳаллий футболчилар иштирок этишаётир. Шунингдек, йиғинда кўплаб ёш “чарм тўп” усталарини ҳам  кўриш мумкин.

17 январь куни “Хоразм”ликлар ўзларининг дастлабки назорат учрашувини ўтказишди. Улар жорий йили Наманган заминида бўлиб ўтадиган “Баркамол авлод” спорт мусобақасига тайёргарлик кўраётган вилоят терма жамоаси билан ўзаро куч синашишди. Ўйин 3:0 ҳисобида биринчи лига вакилининг ғалабаси билан ниҳоясига етди.


И. Худойберганов.