Холанд – "Ман Сити"нинг ёз учун асосий мақсади. Клуб январда Райола билан учрашади
13 окт 2021 14:55
Янгиликлар

Холанд – "Ман Сити"нинг ёз учун асосий мақсади. Клуб январда Райола билан учрашади

"Манчестер Сити" "Боруссия" форварди Эрлинг Холандни мавсум якунида харид қилмоқчи.

Январь ойида инглиз клуби вакиллари футболчи агенти Мино Райола билан кўришишлари кутилмоқда.

Норвегиялик "шаҳарликлар"нинг асосий трансфер мақсади ҳисобланади. Футболчининг отаси Альф-Инге Холанд "Сити" сафида 2000 - 2003 йиллар оралиғида тўп тепган.

Аввалроқ хабар берилгандики, Холанднинг "Боруссия" билан шартномасида 75 миллион евро миқдорида товон пули кўрсатилган. Бошқа маълумотларга кўра, шартномада аниқ сумма кўрсатилмаган, лекин Дортмунд клуби ўйинчига 2022 йил ёзида муносиб таклиф тушса, трансферга рози бўлишини маълум қилган.