Хўжайлида футзал бўйича турнир бўлиб ўтди
16 янв 2018 12:11
Янгиликлар

Хўжайлида футзал бўйича турнир бўлиб ўтди

Хўжайли туманидаги 1-сонли болалар ва ўсмирлар спорт мактабининг спорт залида “Футбол” бўлимининг гуруҳларидаги 2003 ва 2004 йилларда туғилган болалар ўртасида футзал бўйича “14 январь – Ватан ҳимоячилари куни”га бағишланган турнир ўтказилди.

Мусобақани ўтказишдан кўзланган асосий мақсад ёш футзалчиларни аниқлаш ва уларни Хўжайли тумани терма жамоасига таклиф этиш эди.

Мусобақа якунларига кўра 2003 йилда туғилган ёш ўсмирлар ўртасида 66-сонли мактаб филиалининг “Реал-Комбинат” жамоаси ғолибликни қўлга киритди.

- Бу жамоа футболчилари яқин орада “Орол”нинг асосий таркибидан жой олишади. Уларда тезлик ва техника бор. Фақат ўз устиларида ишлашдан тўхтамасликлари керак. Балки келажакда Ўзбекистон терма жамоасида ҳам тўп суриб кетишар. Бу ўзларига ҳам боғлиқ”, - дейди “Реал-Комбинат” жамоаси устози А.Қадиров.

2004 йилда туғилган ўсмирлар ўртасида эса ғолиблик 1-сонли болалар ва ўсмирлар спорт мактаби филиалининг “Хожа-эли” жамоасига насиб этди. Жамоа устози Ж.Нуржановнинг сўзларига кўра, мусобақада иштирок этган ўсмирлар орасида иқтидорлилари жуда ҳам кўп ва яқин келажакда қорақалпоқ футболи анча олдинга қадам ташлайди.

Мусобақа якунига ташкилотчилар ғолиб ва совриндорларни диплом, медал ва совғалар билан тақдирлашди.

Ҳавола :

Манба : championat.asia

Янгиликларни Телеграмда ўқинг!

Рейтинг: +4