Хитой клуби "Наполи" ўйинчисини ўз таркибига қўшиб олмоқчи
30 апр 2020 16:30
Янгиликлар

Хитой клуби "Наполи" ўйинчисини ўз таркибига қўшиб олмоқчи

"Наполи" ярим ҳимоячиси Хосе Кальехон фаолиятини Хитойда давом эттириши мумкин.

32 ёшли ҳужумкор ярим ҳимоячига Хитой чемпионатидаги клубдан таклиф келиб тушди.

Кальехонга "Далянь Ифан" даъвогарлик қилмоқда. Бу жамоада "Наполи" собиқ сардори Марек Гамшик тўп тепади, бош мураббий эса айнан неаполликлар собиқ устози Рафа Бенитес саналади.

Қўшимча қилиш керакки, испаниялик футболчининг хизматларига шунингдек "Валенсия" ҳам қизиқиш билдирмоқда. Футболчи ҳали келажаги борасида қарор қабул қилмади.

Хитой клуби катта эҳтимол билан ушбу ўйинчининг хизматларига Янник-Феррейра Каррасконинг "Атлетико"га кетганидан сўнг қизиқиб қолган.

Ҳавола :

Манба : ll Mattino

Янгиликларни Телеграмда ўқинг!

Рейтинг: