Хитой ФФ Хиддинк олдига жиддий вазифа қўйилганини маълум қилди
10 сен 2018 12:43
Янгиликлар

Хитой ФФ Хиддинк олдига жиддий вазифа қўйилганини маълум қилди

Голландиялик мураббий Гус Хиддинк Хитой U-21 терма жамоасига бош мураббий этиб тайинланди.

Шундай қилиб Хитой терма жамоаларида икки нафар машҳур мураббий ишлайдиган бўлди. Хабарингиз бор, миллий терма жамоани бугунги кунда жаҳон чемпиони Марчелло Липпи бошқармоқда. Олимпия термаси эса 71 ёшли Хиддинкка топширилди.

Хитой футбол федерацияси мураббий олдига жиддий вазифа қўйилганини билдирди. "Энг асосий мақсад Хитой олимпия терма жамоасининг Токиода бўлиб ўтадиган 2020 йилги Олимпиада ўйинларига йўлланма олиш. Ўйлаймизки, Хиддинк бошчилигида бу вазифа бажарилади", дейилган федерациянинг расмий баёнотида.

Ҳавола :

Манба : the-afc.com

Янгиликларни Телеграмда ўқинг!

Рейтинг: +3