Воҳид Холбоев: "Захира тор, кўнглимдагидек эмас"
02 май 2018 21:30
Янгиликлар

Воҳид Холбоев: "Захира тор, кўнглимдагидек эмас"

Ўзбекистон Про-лигаси 6-тури доирасида "Нурафшон" - "Ёзёвон" (2:0) жамоалари ўртасидаги учрашувдан кейин мезбон жамоа устози Воҳид Холбоев ўз фикрларини билдириб ўтди.

"Йигитларнинг жисмоний жиҳатдан кучи етмаяпти. Қишки йиғинларда яхши куч сарфлаб, ишлаганимиз сабабли шогирдларимнинг ҳолати ёмон даражада эмас. Бироқ бизда бугунги баҳс бошлангунига қадар қандайдир ҳадик бор эди. Шукурки футболчилар ўйиндан ўйинга ўзларини кўрсатиб боришмоқда.
Ёшларимиз ҳам яхши ҳаракат қилишмоқда. Бироқ захира кучли эмас. Захирадан тушаётган футболчилар ўйинни кучайтириб бера олишмаяпти. Руслан Беклич ва Абдуғани Комилов ҳали ёш бўлса-да, жамоанинг бир бўлагига айланиб бўлишди. Муаммо шу, ўзгаришларда қийналяпмиз. Шу боисдан ҳам мавсум бошидан буён бир хил таркиб билан ўйнаяпмиз.
Жамоа янги бўлгани билан мақсадимиз юқори. А гуруҳига қўшилиб, ўзимизни кўрсатишни ният қиляпмиз", - деди Холбоев.