UZ

Сўнгги янгиликлар

00:53А серияда видеотакрорлардан фойдаланишда давом этади  0 00:18“Насаф” Қозоғистони биринчи лигаси вакилига имкониятни бой берди  5 00:05Спортчилар ижтимоий тармоқларда  8 23:41Обамеянг “Герта”га қарши учрашувни ўтказиб юборади  3 23:26Капелло: “ЖЧ-2018 гуруҳ босқичи Россия учун у қадар қийин эмас”  6 22:17Кэроллнинг трансфери амалга ошмай қолиши мумкин  10 21:45"Барселона" 100 млн. евролик трансфер амалга оширмоқчи  31 21:32АГМК Германия клубини йирик ҳисобда мағлуб этди  36 21:10“Металлург-W” янгиланган мураббийлар штаби билан мавсумга тайёргарликни бошлади  3 20:59Кавани Ибрагимовичга етиб олди  8 20:40Поль Погба машғулотга янги қимматбаҳо автомобилда келди + ФОТО  16 20:32Дунёнинг энг қиммат ҳимоячилари  18 19:53Қозоғистонда ҳалок бўлган ҳамюртларимиз яқинларига таъзия билдирамиз  131 19:36Тео Уолкотт "Эвертон"га ўтишида Руни муҳим рол ўйнаганини маълум қилди  6 19:31"Спартак" - "Шанхай СИПГ". Россияликлар таркиби эълон қилинди  3

Владислав Хан: “Ғолиблик “Севинч” учун – анъанага айланган” Янгиликлар

Владислав Хан: “Ғолиблик “Севинч” учун – анъанага айланган”

Ўзбекистонда хизмат кўрсатган ёшлар мураббийи – Владислав Николаевич Хан, Қаршининг “Севинч” жамоаси ташкил бўлгандан буён устозлик қилиб келмоқда.

Ўзингизга маълумки, “Севинч” профессионал футбол клуби 2003 йили ташкил бўлган.

Бу мураббий бошқарувидаги “Севинч” жамоасининг қўлга киритган ютуқларини санаб ўтиш учун кўп вақт талаб этади. Биргина мини футбол (футзал) бўйича у мураббийлик қилаётган жамоа ўз тарихида ўн уч марта Ўзбекистон чемпиони бўлди. Владислав Николаевич футзал бўйича ўз мактабига асос солган мутахасис ҳамдир. Катта футболда эса, “Севинч” мамлакатимизнинг ўн икки карра чемпиони бўлган. Бу ютуқларни мамлакатимизда ҳеч бир мураббий ҳанузгача қўлга киритган эмас. Демак, Владислав Хан мамлакатимиз мураббийлари орасида, совринларни қўлга киритиш бўйича – рекордчи ҳисобланади.

Суҳбатимизнинг мазмуни, бундай ютуқларни қўлга киритишдаги асосий сир ҳақида бўлди.

-Владислав Николаевич, аввало янги футбол мавсумидаги илк катта ютуқ билан сизни ва шогирдларингизни самимий табриклаймиз!


-Катта раҳмат табрик учун, ҳар йили бўлганидек, бу йил ҳам ушбу чемпионликни қўлга киритиш осон бўлмади. Йил бошида кўпгина етакчи ўйинчиларимиз жамоамизни тарк этишди. Улар ўз омадларини бошқа жамоаларда синаб кўришни маъқул кўришди. Қолаверса, ўйинчиларимизга юртимизда ҳам, хорижда  ҳам доимо талаб бор. Оқибатда таркибимизга кўпгина ёш футболчилар жалб этилди. Бу ёш футболчилар биз учун бегона эмас, улар клубимиз қошидаги тайёрлов гуруҳларимизнинг тарбияланувчиларидир. Аммо уларни ўйинга тайёрлаш учун анча тер тукишга тўғри келди. Бунинг устида яна кўп иш қилишимиз керак бўлади. Бу сафар айрим ёш футболчиларимиз ўз фаолиятида илк марта чемпион бўлишмоқда. Улардаги қувончни кўриб, барча чарчоқларинг эсингдан чиқади. Тан оламан, бундан мен ҳузур қиламан.

-Айтингчи, “Севинч”нинг кетма-кет чемпиони бўлишининг асосий сири нимада?


-Ҳеч қандай сир йўқ! Фақат ғолиблик – бизнинг анъанамизга айланган! Бу йиллар давомида шаклланган руҳий ҳолат. Ғолиблик ҳеч қачон осон қўлга киритилмайди. Бунинг учун аввало орзу ва истак бўлиши керак. Орзу истакни амалга ошириш учун эса, сидқидилдан тинимсиз меҳнат қилиш керак. Клубимизда ишимизга муносабат ана шу аснода қурилган. Умид қиламанки, бу муносабат мен кетгандан кейин ҳам давом этади.

-Дарвоқе, сиз 60лик давондан ўтдингиз, мураббийликни ташлаш ҳақида ўйламаяпсизми?


-Рухсат беришмади. Тўғриси, бу ҳақда ўтган мавсум сўнггида клубимиз президентига айтган эдим, аммо у киши мендан ишимни давом эттиришимни сўради.


-Майли, яна жамоа ютуқларига қайтамиз. Агар “Севинч”нинг таркиби анча ёшарган бўлса, катта футболдаги мақсад  ўзгармадими?

-Йўқ, ўзгармайди. Бу йил ҳам мақсадимиз чемпион бўлиш. Клубимиз раҳбарияти олдимизга доимо шундай вазифа қўяди. Тўғри, тажрибасиз футболчилар билан бу вазифани амалга ошириш жуда қийин, аммо таркибимизда ҳали ҳам тажрибали футболчилар бор. Улар менга яқиндан кўмак беришади деб, ўйлайман. Бундан ташқари, сафимизни тарк этган тажрибали футболчилар ҳам бирдан бугунги даражага етиб қолган эмас. Уларни ҳам ўсмирлигидан шундай тарбия қилганмиз. Бу ҳолатга биринчи марта дуч келаётганимиз йўқ. Астойдил ҳаракат қилсак, ушбу ёш футболчиларимиз ҳадемай профессионал даражага чиқади.

-“Севинч” мамлакатимиздаги аёллар клуби орасида ҳам футзалда, ҳам катта футболда мунтазам иштирок этади.


-Мақтаниш эмас, “Севинч”  мини футболда мамлакатимизнинг етакчи ва катта тажрибага эга клуби ҳисобланади. Клубимизнинг бу борада ўз мактаби бор. Яъни, бу тажриба йиллар давомида шаклланган. Бу борада ўз иш услубимизга эришганмиз. Лекин, бу билан биз ҳеч қачон чегараланиб қолмаймиз. Изланишда давом этамиз. Биз, мини футболдаги тажрибамизни, катта футболда ҳам қўллаймиз. Демоқчиманки, бу футбол турларидаги тажрибамиз бизнинг иш услубимизда бир-бирини тўлдириб боради. Қисқача айтганда, мини футболнинг катта футболда ҳам фойдаси бор.

-Владислав Николаевич сиз жамоангиз билан кўплаб халқаро турнирларда совриндор бўлгансиз, у ерларда ўзбек футболчи қизларини қандай кутиб олишган?


-Дастлаб қатнашган турнирларимизда, бизни писанд қилишмаган. Ҳаттоки, Ўзбекистонлик қизлар футбол ўйнашни билармикан, деган фикрда ҳам бўлганини сезганмиз. Аммо биз, бу турнирларга шунчаки сайёҳ сифатида эмас, жиддий мақсадда келганимизни исбот қилганмиз ва уларнинг бизга бўлган муносабатини ўзгартирганмиз. Кейинчалик улар ҳар йили бизни турнирларга мунтазам таклиф қила бошлашган. Бу албатта фойдадан ҳоли бўлмади. Қизларимизга бу турнирлар катта тажриба мактаби бўлди. Афсуски, кейинги йилларда бундай турнирларда иштирок этишга молиявий имкониятимиз йўл қўймайди.

-Жамоангизнинг яқин кунлардаги режаси қандай?


-Яна бир неча кунлардан кейин мини футбол бўйича XI Ўзбекистон кубоги старт олади. Бу мусобақадан кейин, катта футболга тайёргарлигимизни бошлаймиз. Дастлаб, III Ўзбекистон суперкубоги учрашувида майдонга тушамиз, бу учрашув 17 апрел душанба куни Тошкентдаги “ЖАР” стадионида бўлиб ўтади, рақибимиз Бекободнинг “Металлург W” жамоасидир. 18 апрелдан олий лига учрашувлари бошланади. Бу йил XXIII Ўзбекистон чемпионати ўтказилади. Кейинги барча тайёргарлигимиз ана шу учрашувларга қаратилади.

-Суҳбатингиз учун раҳмат, сизга ва “Севинч” жамоасига омадлар тилаб қоламиз.


Суҳбатни Ренат Эрназаров олиб борди.

Рейтинг:    

Фикрлар

championat.asia
< сўнгги янгиликларни кўриш

Энг яхшилар

Ўзбекистон U-23 Осиё чемпионати чорак финалига йўл олди Ўзбекистон U-23 Осиё чемпионати чорак финалига йўл олди
Бугун Хитойда бўлиб ўтаётган U-23 Осиё чемпионатида Ўзбекистоннинг...  439
Самвел Бабаян: "Вақти келса барини айтиб бераман..." Самвел Бабаян: "Вақти келса барини айтиб бераман..."
ЎФФ футболдан бутунлай четлатган мураббий Самвел Бабаяннинг терма...  255
Умид Аҳмаджонов - Миллий олимпия қўмитаси янги президенти Умид Аҳмаджонов - Миллий олимпия қўмитаси янги президенти
Бугун Ўзбекистон Миллий олимпия қўмитаси биносида ташкилотга янги...  192
������.�������

CA ни Facebook да ўқиш
учун "Yoqdi"ни босинг