Винисиус: "Реал" мухлислари Роналдуга ўрганган, аммо энди бизда Беллингем бор"

Баҳсда ҳисобни "Барселона" очганди. Бироқ мадридликлар футболчиси Жуд Беллингем 2та гол уриб, жамоасига ғалабани тақдим қилди.

"Реал"нинг 150-ғалабаси ҳақида

"Дунёнинг энг катта клубида, класикода бундай натижага эришиш нафақат бизга, балки, мухлислар учун ҳам жуда ёқимли. Майдонга тушганимизда исталган рақибни мағлуб қилиш мумкинлигини биламиз, бугун ҳам иккинчи бўлимда яхши ўйнадик, ўйинни назорат қилдик. Ғалаба қозонишимизни ва Жуд яна гол уришини билардим"

Камбек ва Беллингем ҳақида

"Ўйинни яхши бошлай олмадик, бироқ иккинчи тайм ўзимизни кўрсатдик. Қачонки "Реал" ўйнаётган экан, исталган дақиқада гол урилишини кутсангиз бўлади. Беллингем ўйинда катта ўзгариш қила олмоқда. Мухлислар Криштиануга ўрганишган, бироқ энди бизда Беллингем бор.

Таркибимизда ёш футболчилар жуда кўп ва улар билан фақатгина майдонда эмас, унинг ташқарисида ҳам биргамиз. Айнан шундай якдиллик сабабли майдонда бир-биримизни ташлаб қўймаймиз. Балки шу боис кўплаб ғалабаларга эришяпмиз", - деди Винисиус.