Винченцо Монтелла: “Милан”га боримни бердим”

“Милан”дан кетиш мен учун оғир зарба бўлди. Мен боримни клуб учун бердим. Қўлимдан келганича ҳаракат қилдим. Афсус, натижа биз кутганчалик бўлмади. Шу боис, истеъфоимни муҳокама қилмайман. Барча футболчиларга ўз миннатдорчилигимни билдираман”, — дея ўзининг Инстаграм саҳифасида фикр қолдирган Монтелла.

Маълумот учун, Монтелла “Милан” бош мураббийи сифатида бир ярим мавсум ишлади. У клуб билан бирга Италия Суперкубогини қўлга киритди. Винченцо “Милан”гача “Рома”, “Катания”, “Фиорентина” ва “Сампдория” клубларини бошқарган эди.