“Вест Хэм” Пеллегринини истеъфога чиқарди
29 дек 2019 07:19
Янгиликлар
“Вест Хэм” Пеллегринини истеъфога чиқарди
Лондоннинг “Вест Хэм” клуби раҳбарияти жамоа бош мураббийи Мануэль Пеллегринини лавозимидан озод қилди.
Бу ҳақда клуб расмий сайти хабар тарқатди. “Болғаурарлар” АПЛ 20-тури ўз майдонида “Лестер”га (1:2) мағлуб бўлгач, раҳбарият мураббий билан келишувни бекор қилди.
Пеллегрини 2018 йилнинг май ойида “Вест Хэм”га бош мураббий этиб тайинланганди. Ўтган мавсумда ушбу мутахассис қўли остида жамоа АПЛ турнир жадвалини 10-поғонада якунлаган эди. Айни пайтда эса Лондон клуби турнир жадвалининг 17-поғонасини эгаллаб турибди.
Илгари хабар қилинганидек, клубни бошқаришга асосий номзож сифатида Дэвид Мойес кўрсатилмоқда. У 2017 йилнинг ноябридан то Пеллегрини келгунига қадар айнан “Вест Хэм”да фаолият юритган. Мойес фаолияти давомида “Сандерленд”, “Реал Сосьедад”, “Манчетер Юнайтед”, “Эвертон” сингари жамоаларида ишлаган.
Ўхшаш янгиликлар
championat.asia
U-17 ЖЧ. Ўзбекистон Италияга ютқазиб, иштирокини нимчорак финалда якунлади
Al Ain Cup. Ўзбекистон пенальтилар сериясида Эронни мағлуб этиб, турнир ғолибига айланди
ЖЧ саралаши. Португалия Роналдусиз рақиб дарвозасига 9 та тўп киритиб, мундиалга чиқди
"Шармандалик, бу шармандалик!"
Фикрлар