Веско Стешевич: "Бугун ҳеч нарса қила олмадик"
24 апр 2023 19:51
Янгиликлар

Веско Стешевич: "Бугун ҳеч нарса қила олмадик"

"Андижон"дан учралган мағлубиятдан (0:5) сўнг "Металлург" устози Веско Стешевич матбуот анжуманида иштирок этди.

Веско Стешевич: "Бугунги ҳодиса кўп содир бўлмайди. Кўпинчи ўйин старти баҳс тақдирини аниқлаб беради. Учрашувнинг бошидаёқ гол ўтказдик, кейин ҳисобни тенглаштиришимиз мумкин эди. Аммо вазиятдан фойдалана олмадик. Иккинчи голни стандартдан ўтказиб юбордик. Учинчи гол "совға" бўлди. Бугун ҳеч нарса қила олмадик. Жамоамизнинг кўплаб вакиллари ўз даражасида ўйин кўрсата олмади. Қўпол қилиб айтганда - шармандалик. Бу мағлубиятдан керакли хулосалар қиламиз деб умид қиламан. 5 марта 0:1дан ютқазгандан кўра, бир марта 0:5га мағлуб бўлган яхши. Рақибни ғалаба билан табриклайман, улар бунга муносиб эди.

- Бугунги ўйинда "Металлург" ҳужумчилари умуман кўринмади...

- Айб фақат ҳужумчиларда дея олмайман. Ҳаммамиз хатога йўл қўйдик, мен, футболчилар. Буни муҳокама қилиб, жамоани бу вазиятдан олиб чиқишга ҳаракат қиламиз.

- Ўзбекистон чемпионати ҳақида нима дея оласиз?

- Тўғриси айтсам, ҳайронман. Чемпионат даражаси яхши. Жамоалар ажойиб ўйин кўрсатишмоқда. "Металлург" ҳақида тўхталадиган бўлсак, вазиятни таҳлил қилиб, натижаларни яхшилаш учун қўлимиздан келган барча ишни қиламиз.