Вараннинг кетиши сабаб "Реал" Кунде ёки Пау Торрес билан шартнома имзолаши мумкин
12 авг 2021 18:47
Янгиликлар

Вараннинг кетиши сабаб "Реал" Кунде ёки Пау Торрес билан шартнома имзолаши мумкин

"Реал" Рафаэль Вараннинг "Манчестер Юнайтед"га ўтиши ортидан марказий ҳимояни кучайтирмоқчи.

Мадрид клубида икки асосий даъвогар бор - "Вильярреал"дан Пау Торрес ва "Севилья"дан Жюль Кунде.

Испанияликнинг "Вильярреал" билан шартномасида 65 млн евролик товон пули ёзилган, аммо "Реал" музокаралар давомида футболчининг нархини туширишга уринади.

Кунденинг трансферини эса амалга ошириш қийин. Унинг товон пули - 80 млн евро. "Севилья" ўтган ёзда французни "Манчестер Сити"га 60 млн евро эвазига сотмаганди, ҳозир эса бу борада клубнинг позицияси янада қаттиқлашди.

"Реал"нинг ёздаги мақсади ПСЖ форварди Килиан Мбаппе эди, энди "галактикос" марказий ҳимоячи вариантини кўрмоқда.

Ҳавола :

Манба : As

Янгиликларни Телеграмда ўқинг!

Рейтинг: +1