Ван дер Ваарт "Атлетико" нега Феликсга тўғри келмаслигини айтди

Дунёнинг энг қиммат футболчиларидан бири Мадридда ўйнамоқда. Ван дер Ваартнинг айтишича, Симеоне бутунлай ҳужумкор футболни унутган, шу сабаб бу жамоада ривожланиш бўлмаяпти.

"Жоау Феликс - ажойиб ўйинчи, аммо у ўзига мос клубда эмас. У билан шартнома имзолашганида, жамоада катта ўзгаришлар бўлади деб ўйлагандим. Ҳозир эса улар футбол ўйнашдан тўхташган.

Бундай ўйинчи атрофида жамоани яратиш керак. Ҳозир Феликс ўзига мос бўлмаган клубда ва мураббийда.

Эслатиб ўтамиз, "Атлетико" Феликс учун "Бенфика"га 126 миллион евро тўлади. У Ла Лигадаги 17та ўйинда майдонга тушиб, 2та гол уришга эришди. Футболчи ҳозирда жароҳат олган.