"УзДонгЖу" - "Машъал-2" учрашувидан фотомақола

Тенг курашлар остида ўтган ўйинда ҳисоб очилмади.

"УзДонгЖу" сардори Бекзод Ғозиев майдон марказида Шокир Йўлдошев билан тўп учун курашмоқда.

Мезбонлар ғалаба қозонишни қанчалик истамасин барибир уларга гол уриш насиб этмади.

Трибунага ўйин давомида қуёш тушиб туриши ҳам мухлисларга ноқулайлик туғдириб келаётгани айни ҳақиқатдир. Сўнгги пайтларда трибуна деярли тўлмаяпти.

"Машъал-2" мудофаа чизиғи шу куни яхши ҳимояланди.

Салоҳиддин Салоҳиддинов шу куни "УзДонгЖу"нинг ашаддий ишқибози томонидан "Энг яхши футболчи" дея топилди ва моддий томондан рағбатланди.

"Машъал-2" ҳужумчиси Аслиддин Абдиев шу куни биринчи бўлимнинг сўнгги сонияларида деярли бирга-бир вазиятда дарвозани аниқ нишонга ола билмади. Аниқроғи, Даврон Жўрақулов сейв намойиш этиб, тўпни қайтаришга эришди.

Ёшлар ўртасида ЖЧ-2003 иштирокчиси бўлган Константин Боев "Машъал-2"да асосан иккинчи бўлимда майдонга тушиб, ёрдам бермоқда.

Мухлисларнинг Ислом Каримовдан умиди катта эди. Аммо унинг ҳам уринишлари шу куни жамоасига самара келтирмади.

"УзДонгЖу" мураббийлар штаби.

"Машъал-2" захира ўриндиғи.

Фотомақолани Исломбек Рустамбеков тайёрлади