Ушбу мавсумда фақатгина Канселу Мессидан ёмонроқ натижа қайд этмоқда

Январь ойи якунига етди, Лео эса Франция чемпионатида атиги битта гол уришга муваффақ бўлди, бунинг учун дарвозага 44 та зарба йўллади.

Шу тариқа, футболчи томонидан амалга оширилган зарбаларнинг голга айланиш улуши тахминан 2% ни ташкил қилади, бу Европанинг топ-5 лигаларидаги барча футболчилар орасида иккинчи энг ёмон кўрсаткичдир. Фақатгина "Манчестер Сити" ҳимоячиси Жоау Канселу аниқлик борасида ундан ёмонроқ кўрсаткич қайд этган, португалиялик футболчига битта гол уриш учун 46 та зарба керак бўлган.