UZ

Сўнгги янгиликлар

00:38Карлуш Кейруш: "Мен футболчиларимни охиригача ўйнашга мажбурлайман"  2 00:03Ровшан Мередов: "Анча ишончли ўйин ўтказдик"  1 23:25Расман: ОЧЛ 2 арафасида "Андижон"ни легионер футболчилардан бири тарк этди  8 23:17Тимур Кападзе: "Мухлислар нега кам? Ушбу саволга биз ҳам жавоб қидиряпмиз. Легионерлар кейинги учрашувга тайёр бўлади"  35 23:03Равшан Ҳайдаров U-23 Осиё кубоги саралаши ҳақида: "Жамоамиз турнирга белгиланган режа асосида пухта тайёргарлик кўрди"  2 22:08Игорь Сергеев миллий жамоа тарихидаги тўпурарлар орасида олтинчи ўринга кўтарилиб олди  12 21:40CAFA Nations Cup. Туркманистон – Ўзбекистон 1:2  26 21:30CAFA Nations Cup. Бир киши кам бўлиб қолган Ўзбекистон Туркманистонни кичик ҳисобда мағлуб этди  266 20:55Қирғизистон бош мураббийи: "Ғалабамизни ўғирлашди"  6 20:33Топ лигалардан клуб топа олмаган Лукман Туркияга йўл олиши мумкин  1 19:50Расман: "Барселона" ҳимоячиси "Эльче"га ўтди  0 19:19"Байер" "Ал Қодисия" ярим ҳимоячисини 25 млн еврога сотиб олди  0 18:48CAFA Nations Cup. Кейруш бошчилигидаги Ўмон охирги дақиқаларда гол уриб, Қирғизистонни ютиб кетди  39 18:33Ўзбекистон - Туркманистон. Асосий таркибимиз маълум  28 18:33"Қайрат" – "Реал" учрашувига 4-5 минг сайёҳ келиши кутилмоқда  3

Украина ЖЧ-2030 ўйинларини қабул қилади? Испания ва Португалия билан қўшма ариза топшириш имконияти қандай? Янгиликлар

Украина ЖЧ-2030 ўйинларини қабул қилади? Испания ва Португалия билан қўшма ариза топшириш имконияти қандай?

Тафсилотлар маълум бўлди.

Нима бўлди?


Украина 2030 йилги Жаҳон чемпионатини қабул қилиш учун Португалия ва Испания билан биргаликда қўшма ариза беради. Бу ҳозирча The Times инсайди, аммо манбанинг хабарига кўра, 5 октябрь куни бу ҳақда ФИФА штаб-квартирасидаги матбуот анжуманида федерациялар вакиллари эълон қилишлари керак.



Материалдан баъзи қизиқарли тафсилотлар:


— Ариза Украина президенти Володимир Зеленский ҳамда Португалия ва Испанияда миллий ҳукуматлари томонидан тасдиқланган.


— Хавфсизлик кафолати борасида саволлар ҳам тилга олинган. Аммо, The Times'нинг ёзишича, 2030 йилга келиб Украина ҳудудидаги босқин якунланади ва инфрастркуктуралар тикланиш жараёни бошланади.

— "Ҳамкорлар футбол мамлакатдаги тинчликни тиклаши мумкинлигига умид билдиришди", — дейилади материалда.

— Украинанинг мусобақа гуруҳ босқичидаги бир нечта ўйинларни ўтказа олиши кутилмоқда.



Имкониятлар қандай?

2020 йилда Испания ва Португалия биргаликда Жаҳон чемпионатини ўтказиш учун ариза беришди. Испаниянинг 14та, Португалиянинг 3та стадионни тақдим этиши режалаштирилган эди. Украина қўшилган тақдирда квоталар қандай бўлади — буниси ҳозирча жумбоқ. The Times'нинг таъкидлашича, Украинанинг қўшилиши бу аризани Жаҳон чемпионатини ўтказиш учун фаворитга айлантиради. Хусусан, УЕФА президенти Александер Чеферин ташкилот Испания ва Португалияга турнир мезбонлик қилиш ҳуқуқини қўлга киритишга ёрдам беришини айтди.



Аммо, жиддий рақобатчилар ҳам бор. Масалан, Лотин Америкаси мамлакатлари бўлмиш Аргентина, Чили, Уругвай ва Парагвай қўша ариза беришган. Бу ерда чиройли воқеа рўй бериши мумкин, сабаби 1930 йилда илк Жаҳон чемпионатини айнан Уругвайда ўтказилган. Мусобақани 100 йил ўтганидан сўнг ўша ерда ўтказиш рамзий маънода бўлади. Бекорга мамлакат ҳужжатларида ўша йилги ЖЧ финали ўтказилган Монтевидеодаги стадион кўрсатилмаган.


Яна бир қўшма аризани Греция, Саудия Арабистони ва Миср биргаликда беришган. Бу блок бир йўла уч континентал федерацияларнинг қўллаб-қувватлаши билан кучли. Бироқ, халқаро ташкилотларнинг Саудия Арабистониша инсон ҳуқуқлари борасидаги саволлар ЖЧнинг ушбу мамлакатларда ўтказиш имкониятини пасайтиради. Мусобақа муддати ҳам масала — ушбу йилда бўлаётганидек, ўша пайтда қишда ўтказишга тўғри келади.



ЖЧ-2030га Марокаш ҳам даъвогарлик қилади — мамлакат ўз хоҳишини 2018 йилдаёқ билдирганди.


Ҳозирча ФИФА президенти Жанни Инфантино расман ҳеч қайси аризани тасдиқламади.


Алишер Остонов таржимаси

Муаллиф : Alisher
Рейтинг: -8   

Фикрлар

championat.asia
< сўнгги янгиликларни кўриш
Яндекс.Метрика