Уганда термаси бош мураббийи: "Сизларда кучли мураббий ва футболчилар бор"

- Дастлаб, 46 миллион аҳолиси бор Уганда мамлакати томонидан Ўзбекистонга миннатдорчилик билдираман. Мусобақа юқори даражада бўлди. Бу турнир орқали биз бир нечта ёш иқтидорларни кўриб олдик. Намангандаги ўйинлар орқали футболчиларимизнинг тажрибасини ошириш учун яхши имкон бўлди. Бизнинг ва сизларнинг чемпионат орасида фарқлар бор. Сизнинг чемпионатингиз анча кучли. Турнирда чемпионатимизда тўп сураётган маҳаллий футболчиларга ҳам ўйнаш имконини тақдим этдик.

Бу ўйинлар орқали биз ўзимизни синаб олдик. Синаб олиш учун эса кучли жамоаларга қарши ўйнашимиз керак. Ўзбекистон эса тўғри танлов бўлди. Биз мусобақада ғалабага эришдик ва тажрибага ҳам эга бўлдик. Турнир орқали биз Африка чемпионатининг саралаш ўйинларига футболчиларни текшириб олдик. Сизларда кучли мураббий ва футболчилар бор. Машариповнинг голида бизнинг футболчилар қўпол хатога йўл қўйишди ва гол совға қилдик. Шомуродов ўзининг голи билан бизнинг муаммони янада катталаштириб юборди. Қанотдаги футболчиларингиз ҳимоячиларимизни анча қийнаб қўйди.

- Жамоамнинг келажакдаги режалари...

- Турнир орқали кўп нарсани ўргандик. Бизнинг мақсад ғолиб бўлиш эмас эди. Турнир орқали жамоамизни синаб олдик. Марказий Осиёда яхши жамоалар бор. Ҳозирдан жамоанинг 100 фоизли таркибини шаклантирдим демаган бўлардим. Бу турнир орқали керакли ва ортиқча футболчиларни кўриб олдик. Биз турнир орқали нималарга қодир эканлигимиз билиб олдик. Шу йилнинг 1-14 июнь кунлари Африка чемпионатининг саралаш баҳслари бўлиб ўтади. Унга қадар янада яхши тайёргарлик кўришга ҳаракат қиламиз.

- Вазиятдан фойдаланган ҳолда турнир ташкилотчиларга раҳмат айтаман. Барчаси ажойиб бўлди. Бу ерда ҳамма футболни севар экан. Майдондаги атмосфера ҳам ажойиб бўлди. Ажойиб футбол ва меҳмондўстлик учун яна бир бор раҳмат айтаман.