U-20 ЖЧ: Ўзбекистон – Гондурас: Превью

Крайстчерч шаҳрида бўлиб ўтадиган учрашувда Равшан Ҳайдаров шогирдлари Гондурас терма жамоасига қарши майдонга тушишади. Ушбу учрашув Ўзбекистон ёшлар терма жамоаси учун U-20 ёшлар ўртасидаги Жаҳон чемпионатларида ҳисоб бўйича 12-учрашув бўлади. Ўзбекистон ёшлар терма жамоаси бунгача 3 маротаба ушбу ёш тоифасидаги Жаҳон чемпионатларида иштирок этган. Бунгача терма жамоа 2003 ва 2009 йилги Жаҳон чемпионатларида гуруҳ босқичида ўз иштирокини якунлаган бўлса, 2013 йилда Туркияда бўлиб ўтган мундиалда Ўзбекистон ёшлар терма жамоаси чорак финалга йўл олган эди.

Ўзбекистон ёшлар терма жамоаси Жаҳон чемпионати баҳсларида Гондурас билан илк маротаба куч синашади. Бунгача 2013 йили БААда бўлиб ўтган U-17 ўсмирлар ўртасидаги Жаҳон чемпионатида иккала терма жамоа мусобақанинг нимчорак финалда куч синашган ва унда Гондурас кичик ҳисобда ғалаба қозонган эди.

Гондурас терма жамоаси эса, U-20 ёш тоифасидаги Жаҳон чемпионатларида бунгача 5 маротаба иштирок этишганва уларнинг барчасида гуруҳ босқичида иштирокини якунлашган.

Эслатиб ўтамиз, кеча F гуруҳида иштирок этадиган терма жамоалар бош мураббийлари ва футболчилар иштирокида матбуот анжумани бўлиб ўтди. Унда Ўзбекистон ёшлар терма жамоаси бош мураббийи Равшан Ҳайдаров ҳамда терма жамоа ҳужумчиси Забиҳилло Ўринбоевлар иштирок этишди.

U-20 ёшлар ўртасида Жаҳон Чемпионати.

1 июнь. Крайстчерч, Янги Зеландия.

"F" гуруҳи, 1-тур. (Тошкент вақти билан 09:00)

Ўзбекистон U-20 – Гондурас U-20