Тухель трансферлар учун 200 миллион фунт олади
31 май 2021 21:47
Янгиликлар

Тухель трансферлар учун 200 миллион фунт олади

"Челси" бош мураббийи Томас Тухель жамоа эгаси Роман Абромивични ёзда клубни кучайтириш учун маблағ ажратишга кўндирди.

Клуб Чемпионлар Лигасини қўлга киритди, шунингдек, АПЛда кучли тўртликка кира олди. Россиялик миллиардер немис мураббийини етарли маблағ билан қўллаб-қувватлашга тайёр.

The Telegraph нашрининг ёзишича, Тухель ёзда 3–4 нафар ўйинчини сотиб олиш учун 200 миллион фунт стерлинг бюджетга эга бўлади.

Қайд этилишича, "аристократлар" бу пулларга марказий ҳужумчи, ҳимояга яқинроқ ўйнайдиган ярим ҳимоячи, шунингдек, ўнг қанот учун ҳимоячи ва ярим ҳимоячи сотиб олмоқчи. Номзодлар орасида Харри Кейн, Ромелу Лукаку, Деклан Райс, Орельен Тчуамени, Адама Траоре ва Йонас Хофманн бор.

Бундан ташқари, Тухель Нголо Канте, Антонио Рюдигер, Тиаго Силва ва Андреас Кристенсен билан амалдаги шартномаларни узайтиришга умид қилмоқда.