Тухель: "Неймар ЕЧЛда "Боруссия"га қарши ўйнамаслиги мумкин"
13 фев 2020 14:11
Янгиликлар

Тухель: "Неймар ЕЧЛда "Боруссия"га қарши ўйнамаслиги мумкин"

Кеча Франция кубоги чорак финали доирасида ПСЖ жамоаси "Дижон" устидан 6:1 ҳисобида ғалаба қозонди.

Беллашувдан сўнг парижликлар устози Томас Тухель Неймарнинг ЕЧЛ 1/8 финали доирасида "Боруссия Д"га қарши ўйнай олиш имкониятлари ҳақида гапирди.

"Унинг "Боруссия" билан ўйнай олишига 100 фоиз ишончим комил эмас. Бу масалани муҳокама қиламиз ва якуний қарорни жума куни қабул қиламиз. Биз унинг соғлиғи билан таваккал қила олмаймиз. "Амьен" билан ўйинда ҳам таваккал қилмоқчи эмасмиз. Биз кучли таркибда бўламиз, лекин таваккал қилишни хоҳламаймиз", - дея Тухелнинг сўзларини келтирди "Goal.com" нашри.

"Боруссия" ва ПСЖ ўртасидаги Чемпионлар лигаси 1/8 финал биринчи ўйини 18 февралда бўлиб ўтади.

28 ёшли Неймар жорий мавсум Франция чемпионатида 14та ўйин ўтказди. Бу учрашувларда 13та гол урди (4таси пенальтидан) ва 6та голли пас берди. Унинг шартномаси 2022 йилнинг ёзига қадар мўлжалланган.

Ҳавола :

Манба : Goal.com

Янгиликларни Телеграмда ўқинг!

Рейтинг: +4