Туркия кундалиги (1-қисм). Антальяга келган клубларнинг иккитаси бир меҳмонхонада
06 фев 2022 00:26
Янгиликлар

Туркия кундалиги (1-қисм). Антальяга келган клубларнинг иккитаси бир меҳмонхонада

Суперлиганинг янги мавсумига тараддуд хорижда давом этади.

Бугун Тошкент вақти билан соат 10:00да Суперлиганинг 4 клубини ўз ичига олган ҳаво лайнери Анталья томон йўлга чиқди ва маҳаллий вақт билан 13:00 атрофида халқаро аэропортга келиб қўнди.

"Пахтакор", "Навбаҳор", АГМК, "Бунёдкор" жамоалари билан биргаликда сайтимизнинг 3 нафар ходими ҳам хориж сафари томон отланди. Аввалроқ 3 февраль санасида "Динамо", "Насаф", "Қизилқум" Истанбул орқали етиб келганди. 5 февраль куни етиб келган тўрт клубимиз қуйидаги меҳмонхоналарда истиқомат қилишмоқда. АГМК ва "Насаф" Ларадаги "Royal Seginus hotel"далар.

АГМК - "Royal Seginus hotel" (Лара)
"Пахтакор" - " Susesi Luxury Resort" (Белек)
"Бунёдкор" - "Asteria Kremlin Palace" (Лара)
"Навбаҳор" - "Papillon Ayscha hotel" (Белек)

5 кундан сўнг буларнинг сафига Жиззахнинг "Сўғдиёна" жамоаси келиб қўшилади. Шунда Суперлигада хориж йиғинига чиқмаган фақат 3та клуб қолмоқда - "Локомотив", "Сурхон", "Қўқон-1912".

Бугундан бошлаб йиғинга киришган юқоридаги тўрт клуб шу куннинг ўзидаёқ тикланиш машғулотларини олиб боришди. Championat.asia сайти жамоаси эртадан бошлаб клубларимизнинг машғулотлари, ўртоқлик учрашувларини Антальядан ёритиб боради. Бизни кузатишда давом этинг!