“Тоттенхэм” аъзосининг уйига ўғрилар кириб, унинг яқинларига пичоқ билан таҳдид қилишди

Футболчи еса бу вақт ЕЧЛ 1/8 финали доирасидаги “РБ Лейпциг”га (0:3) қарши жавоб баҳсда қатнашган. 

Daily Mail'нинг хабар беришича, 4 нафар қуролланган шахс бельгиялик футболчининг уйига бостириб кириб, унинг рафиқаси ҳамда 2 фарзандига пичоқ ва ўткир тиғли буюм билан таҳдид қилишган. Жиноятчилар улардан қимматбаҳо буюм ва пулларини беришни талаб қилишган. Керакли нарсаларни олгандан кейин эса қонунбузарлар воқеа жойини тарк этишган.

Вертонгеннинг яқинларининг саломатлиги яхши эканлиги айтилмоқда, ҳозирда маҳаллий полиция воқеа юзасидан суриштирув ишларини олиб бормоқда. 

Аввалроқ, "Ньюкасл" футболчиси Айзек Хайденнинг хонадонига ҳам ўғрилар ҳужум уюштиргани ҳақида хабар бергандик.