UZ

Сўнгги янгиликлар

15:23"Ал Насср" Ал Нассирни сотиб олди  1 14:56"Ноттингем Форест" "Арсенал" футболчисини ижарага олди  0 14:30Ла Лига етакчиларидан бири "Олтин бутса" соҳиби билан шартнома имзолади  0 14:10Расман: Доннарумма – "Манчестер Сити" янги дарвозабони!  1 13:44Хави Бундеслигада иш бошлаши мумкин  0 13:15"Астон Вилла" Виктор Линделёфни сафига қўшиб олди  0 12:48Арне Слот: "Агар "Ливерпуль" – "Арсенал" ўйини шу йўсинда 10 марта ўйналганида, 8 таси дуранг билан якунланган бўларди"  3 12:27Расман: Эдерсон Туркия клубига ўтди  1 12:09Ўзбекистон U-23 терма жамоаси Шри-Ланкага қарши қандай либосда ҳаракат қилиши маълум  4 11:51ОФК "Насаф" ҳамда "Андижон" учрашувларида ишлайдиган ҳакамлар номини эълон қилди  9 11:38"Челси" ёзда футболчилар сотувидан ҳаммадан кўп пул ишлаб топди  7 11:15Муса "Милан"ни "Аталанта"га алмаштирди  0 10:40Мануэль Аканжи фаолиятини Италияда давом эттиради  0 10:07"Ливерпул"га ўтган Исак нималар деди?  7 09:38"Ливерпуль" рекорд ўрнатди  3

Тимур Кападзе: "Қаршида ҳам ажойиб атмосферада ўйнашимизга ишонаман" Янгиликлар

Тимур Кападзе: "Қаршида ҳам ажойиб атмосферада ўйнашимизга ишонаман"

Ўзбекистон - Қатар учрашувидан сўнг ўзбекистонликлар устози Тимур Кападзе ва ўйиннинг энг яхши футболчиси Ҳожимат Эркинов ўйин ҳақидаги фикрлари билан ўртоқлашди.

- Бугунги ўйинда Жасур Жалолиддинов захирага олинди, бунга сабаб у жароҳат олдими ёки ҳисобдан келиб чиқиб шундай қарорга келдингизми?

- Барчани ғалаба билан табриклайман. Мухлисларга ҳам қўллаб-қувватлашгани учун миннатдорчили билдираман. Бугун атмосфера ажойиб эди. Жасур ҳақида гапирадиган бўлсам, унинг саломатлиги яхши, шунчаки бошқа ўйинчиларга ҳам имкон бердим. 

- Ўйин осон бўлишини кутганмидингиз? 

- Ўйинга яхши тайёрлангандик. Рақибни ўргандик, қатарликлар чарчаб қолишганди, шу боис ҳисоб йириклашиб кетди. 

- Бугун жамоа чиндан ҳам шиддатли ўйин намойиш этди. Бироқ рақибларига нисбатан кўп қўполликларни амалга оширди. Араб футболига таёргарлик бўлмадими?

- Йигитларнинг ҳар бири кучли ўйин маҳоратига эга. Ўйин шиддатли, курашларга бой бўлди. Бу каби тўқнашувлар табиий ҳолатда юзага келди, эҳтимол, шу сабабли огоҳлантиришлар олгандирмиз.

- Бугун шогирдларингиз кутилганидан яхшироқ ўйин кўрсатди. Қийин руҳда ўтган илк ўйиндан сўнг бундай тайёргарлик кўришга нима сабаб бўлди?

Ҳожимат Эркинов: - биринчи ўйин қийинроқ ўтди, иккинчи баҳсга биринчисидан жиддийроқ тайёрландик. Туркманистон ҳам оддий жамоа эмасди, улар бугунги ўйинда ғалаба қозонди.

Тимур Кападзе: - Туркманистон ҳимоявий ўйин кўрсатганди. Қатар эса очиқ ўйин намойиш этди ва биз бундан унумли фойдаландик. Туркманистон кучсиз жамоа эмас, улар бугун Эронни мағлуб этиб, қандай қудратга эга эканлигини исботлади.

- Кейинги ўйинларда ҳам шу бир хил таркибни майдонга туширасизми?

- Эҳтимол, ўзгаришлар бўлиши мумкин, чунки захирадаги футболчилар ҳам ҳозирда яхши даражада. Ўзгаришларни вазиятга қараб амалга оширамиз. 

- Ўйиннинг асосий қисмига тўхталиб ўтсангиз, Қатар мухлисларингиз қаршисида ҳаяжонлангани учун ютқаздими ёки бошқа сабаби борми?

- Албатта, мухлислар қаршисида тўп тепиш қўшимча куч бағишлайди. Рақибни мукаммал ўргандик ҳамда тактик тарафдан ҳам, индивидуал тарафдан ҳам яхши тайёргарлик кўрдик. 

- Кейинги ўйин Қарши шаҳрида ўтказилади, футболчилар бундай сафарга тайёрми?

- Эрталабдан келгуси ўйингача тикланишга ҳаракат қиламиз, туш вақти Қашқадарёга самолёт орқали парвоз қиламиз. Олдимизда тайёргарлик кўриш учун икки кун вақт бор. Ўйлайманки, Қаршида ҳам ажойиб атмосферага дуч келамиз, сабаби у ердаги футбол ишқибозларини мухлисларининг қандай қўллаб-қувватлашларини яхши биламиз.

Рейтинг: +59   

Фикрлар

championat.asia
< сўнгги янгиликларни кўриш
Яндекс.Метрика