Тимур Кападзе: "Жаҳон чемпионатига яхши тайёргарлик кўрамиз"

"Ҳаммани ғалаба билан табриклайман. Байрам байрамдек бўлди. Ўйинимиз ҳам, натижа ҳам яхши кўриниш олди. Халқимизни Жаҳон чемпионатига чиққанимиз билан яна бир бор муборакбод этаман",- дейди Тимур Кападзе. 

"Барчани чин қалбимдан табриклайман. Бизга ишонч билдирган қўллаб қувватлаган ғалабамизга шерик бўлганларга раҳмат айтаман",- дейди Азизбек Турғунбоев. 

- Жаҳон чемпионатига тайёргарлик режаси қандай? Маълумотларга қараганда CAFA мусобақаси ва Америка жамоалари билан ўйнар эканмиз... 

- Бор эътиборимиз БАА ва Қатар билан ўйинларга қаратилган эди. Албатта, Жаҳон чемпионатига тайёргарликни бошлаймиз. Ўйлайманки, мусобақага яхши тайёргарлик кўрамиз. 

- Ҳужумда бирданига 2 та ҳужумчидан фойдаланиш ёки бошқа тактикалар ҳақида фикрингиз...

- 3 талик ёки 4 талик тактикада ўйнашимиз борасида кўп ўйладик. Бугун йигитлар рақибга имконият беришмади, ўйинни назорат қилишди. Албатта, таркибдаги футболчиларимиз соғ ва саломат бўлиб турса, ҳолати яхши бўлса, ротациялар қиламиз, турли тактикалардан фойдаланамиз. 

- Шу пайтгача терма жамоада вақтинчалик бош мураббий вазифасини бажарувчи ролида эдингиз. Шартнома борасида раҳбарият билан гаплашиб олдингизми?

- Бу саволни раҳбариятга берганингиз маъқул