Тимур Кападзе: "Эронни яхши ўрганиб чиқамиз ва керакли маълумотларни тўплаймиз"

"Ҳозирча ҳамма йиғинга келиб улгургани йўқ, эртага кечаси тўлиқ таркибда машғулот ўтказамиз. Ҳусниддин Алиқуловдан ташқари ҳамма соғ. Алиқулов - биз учун катта йўқотиш.

Эронни ҳаммамиз яхши таниймиз, ўрганиб чиқамиз, вақтимиз бўлади ва керакли маълумотларни тўплаймиз. Қирғизистонга қарши баҳс осон бўлмайди. Уларни ўз мақсади бор, бизни ўз мақсадимиз. Бу циклда ҳеч қайси ўйин осон ўтмади. Рақиб ким бўлишидан қатъи назар ўз майдонимизда бор кучимиз билан ҳаракат қилишимиз керак", – деди Тимур Кападзе.

Эслатиб ўтамиз, Ўзбекистон терма жамоаси ҳимоячиси Ҳусниддин Алиқулов "Ризеспор" клуби сафида Туркия чемпионати доирасидаги учрашувда бурни ва ёноғидан жароҳат олган эди.