Тен Хаг ва Санчо ярашиб олишди. Жейдон МЮ билан машғулотларни бошлаб юборди

"Манчестер Юнайтед" клуби бош мураббийи Эрик тен Хаг ва футболчи Жейдон Санчо ўртасидаги низо барҳам топди. Мураббий ва вингер ярашиб олишган. Бу ҳақда таниқли инсайдер Фабрицио Романо хабар берди. Санчо ва МЮ бош мураббийи ўзаро учрашув ўтказишган ва барча муаммоларни ҳал қилишган. 

Жейдон Санчо аллақачон МЮ билан машғулотларни бошлаб юборган ва жамоанинг мавсум олди ўйинларида майдонга тушиши мумкин.

Эслатиб ўтамиз, ўтган ёзда Жейдон Санчо ва Эрик тен Хаг ўртасидаги низо келиб чиққанди. Шундан сўнг, Санчо асосий жамоа машғулотларидан бир неча ойга четлатилганди. Футболчи қишда ижара асосида "Боруссия Дортмунд"га бориб қўшилганди.