Тайёрлов гуруҳлари мусобақаси якунланди

Мусобақанинг 6-гуруҳидан жой олган жамоалар баҳсида "Машъал" ўсмирлари ҳар икки ёш тоифаси ҳам учрашувларини якунлади.

Микола Лапа бошқарувида бўлган 1999-2000 йил ўсмирлари мусобақани ижобий якунлай олмади. Ўз гуруҳида 8 учрашув ўтказган ёш футболчиларимиз 1 та ғалабага эришди. Уч учрашувда дуранг қайд этган бўлса, 4 ўйинда имкониятни бой берди. Умумий ҳисобда 6 очко тўплади ва турнир жадвалида учинчи бўлди. Ушбу натижа билан Лапа жамоаси финал босқичига йўл ола билмади. 1999-2000 йил жамоасида "Насаф" биринчи бўлди ва кейинги босқичга чиқди.

Жонибек Эгамбердиeвнинг 2001-2002 йил гуруҳи эса муносиб иштирок эта олди. Бироқ иккинчи жамоамиз ҳам финал босқичига йўл ола билмади. 8 та учрашувдан сўнг 5 та ғалаба, 2 та дуранг ва 1 мағлубият билан 17 очко тўплади. Турнир жадвалида "Насаф"дан сўнг иккинчи бўлди.

Ҳар икки жамоамиз ҳам Республика тайёрлов гуруҳлари мусобақасини гуруҳ босқичида якунлади.