“Supermokh Cup 2016”. 1-кун. "Бунёдкорчилар"да ғалаба ва мағлубият
12 дек 2016 09:45
Янгиликлар

“Supermokh Cup 2016”. 1-кун. "Бунёдкорчилар"да ғалаба ва мағлубият

Теглар : [{"id":"61911""text":"Supermokh 2016"}{"id":"63540""text":"\u0411\u0443\u043d\u0451\u0434\u043a\u043e\u0440"}]

Бугун Малайзия пойтахти Куала-Лумпур шаҳрида “Supermokh Cup 2016” турнири старт олди.

2002 ва 2004 йилларда туғилган футболчилар ўртасида бошланган мусобақанинг илк кунида “Бунёдкор” тарбияланувчилари Малайзия клубларига қарши тўп тепишди.

Сергей Чигодаев ва Акмал Рисқуллаев бошчилигидаги 2002 йилда туғилган футболчиларимиз “Селангор” жамоаси билан куч синашишиб, рақиб дарвозасига жавобсиз 3та тўп киритишди. Голларга Жасур Жалолиддинов (2та) ва Собир Норбоев муаллифлик қилишди.

Малайзиянинг “Теренггану” жамоаси билан беллашган “Бунёдкор-2004” вакиллари рақибга 1:2 ҳисобида имкониятни бой бериб қўйишди. Аввалига Шаҳзодбек Акбаралиев ажойиб зарбаси билан гол уриб, “қалдирғочлар”ни ҳисобда олдинга олиб чиққанди. Бироқ сўнгги дақиқаларда мезбонлар иккита тўп киритиб, ғалабани илиб кетишди.