Суперлига. Эртага "Металлург" ва "Пахтакор" қайси либосларда майдонга тушиши маълум

Турни очиб берадиган ўйин Бекободда бўлиб ўтади. Унда мезбонлар "Металлург" жамоаси "Пахтакор"ни қабул қилади. Бугун ана шу учрашув олдидан йиғилиш бўлиб ўтди. Бу ҳақда "шерлар" матбуот хизмати хабар берди.

Унда беллашувни яхши ташкил қилишда ёрдам берадиган турли масалалар комиссар ҳамда клублар вакиллари томонидан муҳокама қилиб ўтилди. Эртанги беллашувда "Металлург" оқ рангли либослардан фойдаланади. "Пахтакор" эса сариқ рангли либосда майдонга тушиши маълум бўлди. "Пахтакор" дарвозабони яшил либосда ўйнайди. Ҳакамлар қора либосларда ўйинни бошқариб боришади.

"Металлург" ва "Пахтакор" жамоалари ўртасидаги учрашув 19 апрель, пайшанба куни 18:00да "Металлург" стадионида бошланади.