Суперлига. Бугун Андижонда водий дербиси ва Тошкентда "Бухоро" меҳмон бўлади

"Локомотив" – "Бухоро"
15 март 2020 йил. Тошкент. "Локомотив" стадиони. 17:00
Ҳакамлар: Равшан Абдивоҳидов, Фарҳод Усмонов, Зуфар Элибоев, Рустам Чориев
Назоратчи: Маъмур Саидқосимов
Комиссар: Лазиз Қўчқоров

Дастлабки икки турда умуман гол ура олмаган ва очко ололмаган "Бухоро" Тошкентда "Локомотив" меҳмони бўлади.

Бу икки клуб миллий чемпионат доирасида ҳозирга қадар 30 марта тўқнаш келишган. 19та учрашувда "Локомотив", 6та ўйинда "Бухоро" муваффақият қозонган. Қолган 5та баҳс дуранг билан ниҳоясига етган. "Локомотив" бу жамоа дарвозасига 59та гол урган ва 31та тўп ўтказиб юборган.

Ўзаро ўтган сўнгги 8та ўйиннинг барчасида "Локомотив"нинг қўли баланд келган. Сўнгги бор "Бухоро" 2016 йилги мавсумда "темирйўлчилар"ни таслим қилган экан.

"Локомотив" ўз майдонида 9та ўйиндан буён "Бухоро"га ютқазмай келмоқда.

Ўтган мавсум иккинчи даврани "Бухоро"да ўтказган Даврон Умиров ҳозир "Локомотив"да ўйнамоқда. Бир неча йил "Локомотив"да ўйнаган Азизбек Амонов эса шу йил бошида "Бухоро"га ўтди.

"Андижон" – "Навбаҳор"
15 март 2020 йил. Андижон. "Соғлом Авлод" стадиони. 17:00
Ҳакамлар: Виктор Серазетдинов, Александр Сидоров, Аваз Абдуллаев, Раҳимбек Каримов
Назоратчи: Сардор Наджафалиев
Комиссар: Ойбек Юнусов

Бу мавсумдаги дастлабки водий дербиси Андижонда ўтади.

Ушбу жамоалар ўртасидаги 48та ўйиндан 25тасида "Навбаҳор" ғолиб бўлган. 10та баҳсда "Андижон" зафар қучган. 13та ўйинда дуранг қайд этилган.

"Лочинлар" ўзаро ўйинларда 73та гол уришган ва 47та гол ўтказиб юборишган.

Ўтган мавсум "Навбаҳор" майдонидаги учрашувда 1:1 ҳисоби қайд этилган. Андижонда "Навбаҳор" 1:0 ҳисобида ғолиб бўлган.