Суперлига. 17-тур лауреатлари

Championat.asia тур баҳслари асосида тур лауреатларини аниқлади.

"Андижон" клуби бу тур сафарда "Машъал"га қарши ўйнади ва муҳим ғалабага эришди. Андижон клуби ўзининг асосий рақибларидан бирини сафарда таслим қилди. Шу боис Виктор Кумиков championat.asia сайти талқинига кўра 17-турнинг энг яхши мураббийи деб топилди. 

"Насаф" бу тур Яйпанда "Турон"ни мағлуб этди - 2:0. Ушбу баҳсда меҳмонлар посбони Умиджон Эргашев жуда яхши ўйнади. У беллашув давомида жамоасини бир неча бор муқаррар голлардан сақлаб қолди. Шу боис Championat.asia сайти талқинига кўра, 17-турнинг энг яхши дарвозабони Умиджон Эргашев бўлди.  

Бу турда "Бунёдкор" клуби ярим ҳимоячиси Лутфулла Тўраев "Қўқон-1912" дарвозасига акробатик тарзда гол урди ва тур голи муаллифига айланди. 

Юқорида айтганимиздек "Андижон" сафарда "Машъал"ни 1:0 ҳисобида мағлуб этди. Шу куни "бургутлар" сафида аслида ҳимоячи Усмонали Исмоналиев ҳужумда ўйнади ва гол уришга эришди. Шу тариқа, Усмонали Исмоналиев championat.asia талқинига кўра 17-турнинг энг яхши футболчиси деб топилди.

Ўзбекистон чемпионати турнир жадвали >>>>> Суперлига