Сульшер "Дерби"га қарши ўйиндан олдинги матбуот анжуманида Погба, Бруну ва жароҳатланганлар ҳақида гапирди

Бироз аввал манкунианликлар бош мураббийи Оле-Гуннар Сульшер иштирокида матбуот анжумани бўлиб ўтди.

- Дэниел Жеймс катта эҳтимол билан бу ўйинни ҳам ўтказиб юборади. Маркус (Рэшфорд) ва Поль (Погба) ҳозирча ўйнашга тайёр эмас. Ўйлашимча, Аарон (Ван-Биссака) ҳам ўйнай олмайди. Бугун у текширувдан ўтади, аммо у "Эвертон" билан баҳсда белида оғриқ ҳис қилди. Шундай экан, у эртага тўп тепа олмаслиги мумкин.

Поль Погба ҳақида

"Поль очиқ майдонда физиотерапевт билан ишлашда давом этмоқда ва кейинги ҳафтага қадар асосий жамоа билан бирга шуғулланмайди. Кейин эса у формасини қачон тиклашини кўрамиз, бунинг учун вақт керак".

Де Хеанинг ўрнига Ромеро ўйнайдими?

"Буни ҳал қилиб улгурмадик. Ромеро ўйнаган беллашувларда ўзини яхши кўрсатди. Очиғини айтсам, Давид ҳар бир учрашувда иштирок этаётгани учун виждоним қийналмаяпти. У ажойиб ўйнайди, сейвлар қилади".

Уэйн Рунининг қайтиши ҳақида

"У "Манчестер Юнайтед" учун қантастик ўйинчи бўлган ва бу ерда узоқ йиллар ўйнаган. У клубнинг энг яхши тўпурари, у жуда кўп совринлар ютган. Мухлислар буни қадрлашади деб ўйлайман. Агар учрашув "Олд Траффорд"да ўтганида мухлислар Рунини қайноқ кутиб олишган бўларди".

Бруну Фернандешнинг жамоага қўшаётган ҳиссаси

"Ҳайрон қолмаяпман, чунки унинг майдонда нималар қила олишини ва унинг етакчилик сифатларини кўряпман. Биз айнан шундай таъсирни кутган эдик, лекин юз фоиз амин эмасдик. Баъзи ўйинчилар учун адаптацияга 6 ой керак бўлади. Аммо, биз уни сифатлари учун қўлга киритишни истагандик. Брунуга бу ерлар ёқмоқда. У жамоани руҳлантириб, атмосферани яхшиламоқда".