"Сўғдиёна" Жиззахда йиғилди

Жамоа пойтахтдаги тайёргарликларни якунлади. Бугун тушликдан кейин жамоа аъзолари Жиззахдаги ўз қароргоҳига етиб келишди. Эртадан икки маҳалдан машғулотлар олиб борилади. 7 март куни Самарқандда «Динамо» билан назорат учрашуви ўтказилади.

Шундан сўнг эса, миллий чемпионатимизнинг биринчи турида Навоийда «Қизилқум» жамоасига қарши бўлиб ўтадиган ўйинга тайёргарлик бошланади. Жамоада ҳали селекция ишлари давом этмоқда. Яқин орада жамоанинг тўлиқ таркиби, «Сўғдиёна» стадионида бўлиб ўтадиган фотосессиядан лавҳалар билан сайтимиз орқали танишишингиз мумкин бўлади. Ҳа айтганча, жамоамиз бу йилги чемпионатда ҳам JOMA либосларидан фойдаланмоқда.