"Сўғдиёна" клуби ижрочи директори: “Шу кунгача ЎФФ президентининг Жиззах вилоятига ташрифи кузатилмаганди”

“Сўғдиёна” ПФК да олиб борилаётган ишлар юзасидан жамоа ижрочи директори Жавлон Салоҳиддинов ўз фикрини билдирди.

- Бугунги кунда “Сўғдиёна” ПФК професионаллик сари дадил қадам одимламоқда. Раҳбарият томонидан футболчилар  ва мураббийлар учун барча шароитлар яратилган. Бугун Жиззах вилоятига ташриф буюрган ЎФФ президенти ва аъзолари ҳам бунга гувоҳ бўлди. Биз ҳозирги кунда ЎФФ томонидан қўйилган барча талабларни бажардик. “Сўғдиёна” футбол клуби қошида академия, футзал, аёллар клубига эга бўлдик. 

Ҳозирги кунда футбол ва бизнес ёнма-ён. Миллионларга сотиб олинган лигеонерлардан кўра ўзимиз шу академияда футболчиларни тарбиялаб, нафақат клубимиз балки Ўзбекистон терма жамоаларга маҳоратли футболчиларни етказиб берамиз. Зероки Жиззах футбол мактаби  кўплаб маҳоратли футболчиларни тарбиялаган. Сардор Рашидовдек, Жасур Ҳасановдек тажрибали футболчилар хорижий клубларда тўп суриши бизнинг ютуғимиздир.

Шу кунгача ЎФФ президентининг шахсан Жиззах вилоятига ташрифи кузатилмаганди. Умид Аҳмаджонов академия тарбияланувчиларига совғалар улашдилар. Биз ҳам ўз навбатида 1 февралгача қўйилган барча супер лига талабларини якунлаб Жиззах вилояти ҳамда мухлислар олдида юзимизни ёруғ қилишга ҳаракат қиламиз, - дейди Жавлон Салоҳиддинов.