«Сўғдиёна»: Футболчиларга 3 кунлик таътил берилди

Кеча пойтахтда жамоа сўнгги назорат учрашувини ўтказди. Унда «Андижон» жамоаси 2:1 ҳисобида мағлуб этилди. Санжар Рашидов ва Жасур Ҳакимов томонидан киритилган тўплар «Сўғдиёна»га ғалабани олиб келди. Собир Ҳамидов ушбу назорат учрашувида майдонда ҳаракат қилди. «Машъал» жамоасидан келиб қўшилган ҳимоячи Саламат Қуттибоев билан, Собир Ҳамидов билан ҳам шартнома тузилди. Улар эндиликда «Сўғдиёна» либослари остида майдонга тушишади.

Энди жамоа аъзолари 30 июль куни «Сўғдиёна» қароргоҳида йиғилишади ва 3 август куни бўлиб ўтадиган иккинчи давранинг дастлабки учрашувида «Машъал» жамоасига қарши бўладиган ўйинга тайёргарликлар олиб борилади.